ඔයාලත් බැලුවද ගල දනවෝ වීඩියෝ එක ?? Medhani Deshapriya ගේ EX-Elien වීඩියෝ එක

මෑත කාලයේ youtube පුරා ජනප්‍රිය වූ මෙම ගීතය නොබැලු කෙනෙකු සොයාගත නොහැක ( බැලුවේ නැත්තන් මෙතන ක්ලික් කරන්න )

 

1012 ඔක්තෝම්බර් 30 තමා මේක අන්තර්ජාලයේ විකාශය උනේ ,ඊට පසු දින උදැසන වන විට මෙම වීඩියෝව නරඹා තිබුනේ 15000 ක් පමණි . නමුත් නොවැම්බර් 1 වන විට මෙම වීඩියෝව 115000 කටත් වඩා නරඹා තිබුණි . පැය විසිහතරක් ඇතුලත ලංකාවේ සංගීත වීඩියෝවක් මෙතරම් ප්‍රමාණයක් නැරඹු පළමු අවස්ථාව ලෙස වී ලීක්ස් youtube චැනලය වාර්තා කළේය  

 එමෙන්ම නොවැම්බර් පළවැනි දින වන විට කොමෙන්ට් 4000-5000  අතර විය , සාමාන්‍යයෙන් මෙය youtube video එකක් ලබාගන්න විශාලම ජයග්‍රහණයකි ,එහෙත් මෙම වීඩියෝව කොමෙන්ට් වැඩි උනත් ලබාගෙන ඇත්තේ අන්ත පරාජයකි . ඒ වීඩියෝවට ලැබුන චොමෙන්ට් වලින් 100% කම දෝෂාරෝපණ පමණක්ම වීම නිසාය .මෙම කොමෙන්ට් ද වීඩියෝව මෙන්ම අපුරුය . එම නිසාම කොමෙන්ටු කිහිපයක් උපුටා දක්වන්නෙමු .

"ආයෙත් මේ වගේ වැඩ කරන්න හිතන්නවත් එපා "

" පිං සිද්ද වෙයි නංගි මේ කරගත්තු පුණ්‍යකර්මයට , මම දැන් porno බලන එක නවත්තල ඔයාගේ song එකේ comment කියවන්න පටන් ගත්ත "

"This is Bullshit !! woman ! Get a life ! music is suppose to heal people , not kill them !! "

" මොන හු*** ක්ද ඔයි මේ "

"හරිම ලස්සන සින්දුවක් නගා , ඔයාගේ ඇල්බම් එකක් එන්නැද්ද ?? ලිපට දාන්න ? "

"මියෝ එළවන්නනම් නියම බඩු  කෑල්ල , පේමන්ට් එකේ විකුනුවනම් හොඳ ඉල්ලුමක් තියෙයි "

"ගල දනවෝ......ගල දනවෝ ???? මොන ගලද දන්නෑ නේද ?  "

"මේකිට BMW එකක ගිහිල්ල ගල දනවලු ...hiks "

මෙවැනි කොමෙන්ට් දහස් ගණනක් Ex-Elien වීඩියෝව සඳහා ලැබී තිබුණි ,

මෙම වීඩියෝව සැදෙන්නේ මහනුවර VIB LAB නමැති ශබ්දාගාරයේ ය . නිර්මාණකරු තරංග රත්නායක නම් සංගීත ශිල්පියෙකි . ඔහු පවසන පරිදි ඔහු මේ වීඩියෝව සමග සම්බන්ද වී ඇත්තේ අත්හදාබැලීමේ අරමුණෙනි . වී ලීක්ස් වෙත තම අදහස දක්වමින් පවසා සිටියේ එම ගීතය ගායනා කරන ලාබාල තරුණිය ඇමෙරිකානු සුප්‍රකට ගායිකා Rebecca black අනුකරණය කල බවය . වැරැද්ද ඇත්තේ එතැනය , Rebecca ගේ ගීත නොඅසා තිබු අප ගීත කිහිපයක් රුප රාමු සහිතවම නැරඹුවෙමු . වරදක් නැත ඉතාමත් වටින සංගීත ආරකි , මනාව ඇගේ හඬ ඒ ශෛලියට ගැලපුණි . එහෙත් මෙධානිගේ පැත්තෙන් ගත විට මෙධානිගේ හඬ මෙම ශෛලිය සමග කෙසේවත් ගැලපෙන්නේ නැත , මෙපමණ අප්‍රසාදයට ය නතු වෙන්නට හේතු වුයේ ද  ඒ හේතුවමය . සුද්ද සිංහලෙන් කිව්වොත් බැරි මගුල් කිරීමය, තමන් ප්‍රිය කරන පලියට ,සල්ලි තිබෙන පලියට කෙනෙකුට ගායකයෙකු හෝ ගායිකාවක් විය නොහැකි බව මේ වීඩියෝ එකෙන් මණාව පෙනෙයි. එසේ බැලු විට ඇය කර ඇත්තේ rebecca ගේ ගීත ශෛලිය මරාගෙන කෑමකි .

මෙධානිගේ මෙම ගීතය youtube හි මෙතරම් ප්‍රසිද්ද උනේ එය "ජනප්‍රිය " නිසා නොවේ , "ජන අප්‍රිය " වූ නිසාය. ratings උනේ මොන හු ** ක්ද මේ කියා මෙම වීඩියෝව බැලීමට ඒවාට රොක් වන තරුණයන්ගෙනි . එක පාරක් video එක බලු අයෙක් තවත් වරක්නම් ඒ අමාරුවේ වැටෙන්නේ නැත , ඔවුන් යලිත් මෙම වීඩියෝව youtube හරහා open කර Video එක pause කර ,කොමෙන්ට් පමණක් බලයි. වීඩියෝව pause කර කොමෙන්ට් පමණක් කියවා ආතල් ගත් යුගයේ ශ්‍රී ලාංකීය ගීතය ලෙස රන් අකුරින්  ලියවෙන්නේ පුංචි මෙධානිගේ ගල දනවෝ වීඩියෝව ය .

සුප්‍රසිද්ද youtube චැනල් එකක් වන KushanSrimalShow එකේ ශිල්පින් විසින් විවිධ වීඩියෝ , කෙටි චිත්‍රපට නවමු ආකාරයට ඉදිරිපත් කරයි , ඔවුන්ටද පුංචි මෙධානිගේ වීඩියෝව පට්ට ආතල් එකක් දී ඇති ආකාරය youtube පුරා සැරිසරන සැම කෙනෙකුටම දැකගත හැක . මෙධානිගේ EX -Elien වීඩියෝවට උපහාර පිණිස Ex-Alien & Us යනුවෙන් වීඩියෝවක් තැනෙන්නේ  ඒ ආතල් එකේ ප්‍රතිපලයක් ලෙසය. උපහාරයද පට්ටටම දී තිබේ .

මෙධානිගේ කොමෙන්ට් බුරුතු අතර ප්‍රසිද්ද මධ්‍යයේ ප්‍රකාශ කල නොහැකි ගනයේ කොමෙන්ට් ද නැතුව නොවේ . කුනුහරුපයක් දෙකක් පැවසීම සාමාන්‍යය ය , එය මනුස්ස ස්වභාවය ය .සිංහලෙන් කුණුහරුප කියන්නේ නැති එකා ඉංග්‍රීසියෙන් fuck කියන්නේ ගණනකටවත් නැතිවය. එහෙයින් කුණු +හරුප කීම සාමාන්‍ය ය . එහෙත් මෙධානිගේ ලාබාල කම ගැනවත් නොසිතා විවිධ අසැබි ආරාධනා වලටද සමහරු පෙළඹී තිබෙනු කොමෙන්ට් බැලීමේදී පෙනේ. කෙතරම් මෙම වීඩියෝවට බැන්නත් අපි එය අනුමත නොකරන්නෙමු . අදහස් පල කිරීම නීති මගින් යටපත් කල හැක්කක් නොවේ , එක අතකින බැලු විට මේවා සියල්ල මේධානි විහින් කරගත්තු ඒවාය . ජනතාව තුලට ගමන් කරන, ප්‍රේක්ෂකයින් වැළඳගන්නා ( අඩුම තරමේ අහගෙන ඉන්න පුළුවන් ) සින්දුවක් සහ ඊට සරිලන වීඩියෝවක් කලානම් මේ පුංචි කෙල්ල අප අතරේ ආදරණිය චරිතයක් වන්නට ඉඩ තිබුණි . එහෙත් ඇය කලේ අනෙකකි .

ඇය මේ කොමෙන්ට් ගැටලුවට ගත එකම පියවර COMMENTපහසුකම ඇගේ විඩියෝවෙන් ඉවත් කිරීමය.එය නිකන් " හිසේ රුදාවට කොට්ටය මාරු කිරීම" වැනිය .

විමසුම පිටපත ,       

(SUDDA)විසිනි .