කරුමයකි ඔබ නිහඬ මැදියම් රෑ

කියල , එකෙක් ලෝකෙටම ඇහෙන්න කෑගහල කියනවා අස ඇත්තේය , ඒ ඌ ගැන ඇති වූ සානුකම්පිත මානුෂිය හැගීමෙනි , විටෙක ඌ ගැන දුක හිතුනේය ,පව් කියා සිතුනේය , උට වඩා වාසනාවන්තයෙක් යැයි අභිමානයෙන් සිටියේය , ඌට අත්වූ සෝචනීය ඉරණම අත්වේයැයි සිහිනේකුදු නොසිතුවේය ,සියල්ල සැනින් වෙනස් විය

සැබෑම කරුමයකි නිදාගන්න දෙන්නෙම නැත්තේය .අමතක කර කෙතරම් ඇස පියාගැනිමට උත්සහ කලද මවෙන්නෙම ඒ රුවමය.වැඩේ කෙලවී හමාරය .ලෙඩේ බෝ වෙන ලෙඩකි , දැන් නින්ද යන්නේ නැත

ඇස් දෙක පියාන නිදාගන්න මට බෑ

" ඇස් දෙක පියාන නිදාගන්න මට බෑ "
ඒ මෙම ලෙඩේ බෝ වූ තවත් එකෙකි . ඒ අසරණයා විඳින දුක ද දැන් වටහාගැනීමට අපහසු නැත .

බලන බලන හැමතැනම මැවෙන්නේ ඒ රූපයම ය .එම රුපය අමතක කිරීමට පට්ටම අමාරුය . කොට්ටය බදාගෙන,අතපය අකුලාගෙන, දිගැරගෙන , රෙද්ද පොරෝගෙන , බැරිම තැන රෙද්ද එලාගෙන මෙට්ටේ පොරෝගෙන නිදාගන්න හැදුවේය . හරියන්නෙම නැත .
එම රුපය මගේ ලග දැන් දැන් නැත .ඉටි රුවක් මෙන් නොවුවත් සාමාන්‍ය සරල සුන්දරත්වයක් ඒ රුපය තුල තිබුණි . ඒ රුපය මෙච්චර වධ දේවී  යැයි නොසිතිනි ,

ෆාමසියේ අක්ක බර ෆිට් ඒකකය .එහෙත් රිසිට් එකක් නැතුව ඇය බෙහෙත් දෙන්නේ නැත . අක්කා දුන්නත් අක්කගේ බොසා දෙන්නේ නැත ,බොසා අමුතුම පොරකි . ඌ වෛද්‍ය අනුමැතිය නැතුව දෙන්නේ Corex-D පමණි . ගමේම පැණි ඉල්ලුමට සරිලන සැපයුම සාර්ථක ලෙස දෙන්නේ ඌ ය .එයත් ලෙහෙසි නැත ෆාමසිය තුලදීම එය පානය කිරීම අනිවාර්ය ය . බොසා D වලට අමතරව අනිත් ඒවත් දුන්නනම් නිදි පෙති දෙක තුනක් ඉල්ලගන්නට තිබුනේය .නිදි පෙත්තක් තිබුනේනම් වැඩේ ගොඩය .පොඩි එකා කාලේ ආච්චිගේ නිදි පෙති 3ක් එකවර ටෙස්ට් කර දවස් තුනක් නිදාගත්තා මතකය ,,එහෙයින් වැඩේ හරියනවා නිසැකය .

එහෙත් කරුමයටම ෆාමසියේ බොසාට රිසිට් නැතුව දෙන්න හිතෙන්නේ COREX-D ම පමණි .