ඉස්කෝලෙයි මමයි .1 .....( මනෝ ගැහීම)

කෑවත්, බීවත් , **වත් ඒවා බ්ලොගයේ ලියවෙන ලියන කාලෙක මගේ පාසල් අවධිය ගැන පොස්ටු දෙක තුනක් දැම්මාට මගේ පොස්ටු වලින් රෙදි ගැලවෙන මගේම සහෝදර පාසල් මිතුරන් තරහ නොවේ යැයි සිතමි.

6 වසරේ සිට,

            මම පුංචි පහේ ශිෂ්‍යත්වය සමත් ව *****ව  මධ්‍ය විද්‍යාලයට පලවෙනි දවසේ ගියේ තාත්තත් සමගය,, ඉස්කෝලේ මම හිටිය ප්‍රයිමරි ඉස්කෝලෙට වඩා පට්ට ලොකුය, මුළු ප්‍රයිමරියම අලුත් ඉස්කෝලේ පිට්ටනිය තරම් ය ,
              
                6 යේ පන්ති තිබුනේ පාසැල කෙලවරේ ය . උදේ පාන්දර එක්සයිස් ඕනෙම නැත, පන්තියට යන ටික හොඳටම ඇතිය. කොහොම හරි පන්තියට යන ටිකට මට දැනුනේ කොළඹ ඉඳන් වේයන්ගොඩ අවා වගේ ය . හොඳම වැඩේ උනේ පන්ති ගාවට ආවට පස්සේ ය, 6 යේ පන්ති තිබුනේ 3න් වෙනි තට්ටුවේය. අන්තිමේ මම පන්තියට ගියේ තාත්තගේ කරේ ය.

                පන්තියේ එච්චර කට්ටියක් හිටියේ නැත. හිටියේ කෙල්ලෝ තුන් හතර දෙනෙකුත් කොල්ලෝ හය හත් දෙනෙකුත් විතර ය. 

        මට මුලින්ම සෙට් උනේ කුකුළා ( පසු කාලීනව මුගේ ක්‍රියා කලාප නිසා වැටුන නමක්,, කෙලින්ම නම දාන එක හරි නැහැනේ) ය. අනිකා පෙත්තා ය. පෙත්තට වඩා කුකුළා බෙහෙවින් වෙනස් ය(කුකුලට කරමලක් ඇත පෙත්තට කරමලක් නැත). කුකුළා ආපු පලවෙනි දවසෙම කෙල්ලෙක් පස්සේ වැටුනේ ය. ඒ ගැන ඉඟි වැටුන මගේ පියා අවධාරණය කලේ මුව , අතේ දුරින් ආශ්‍රය කරන ලෙස ය. පසු කාලීනව කුඩ පහරවල්, සෙරප්පු පහරවල් වල පහස විඳීමට කුකුළා වාසනාවන්ත වූ බව මට මතකය.

කුකුළා

                        
                                ඔහොම කාලය ගෙවුනේ ය. එක එකා එක එක විධිහ ය. හැමෝම හිටියේ උන්ගේ ලෝක වල ය. පන්ති භාර *නෙල් මිස් හැම ගණන් පාඩමක දීම "තොපි මොන ලෝකෙද ඉන්නේ " කියා අහන්නේ අපගේ පුංචි පහේ සිත මැනවින් වටහාගත් නිසා ය. එතනිනුත් හොඳම මනෝ කාරයා "නිරාජ " යා ය( මුගේ නම කිව්වට අව්ලක් නැහැ ,, මු ආත්මෙට මේක කියවන්නේ නැහැ) . අනිකා මේ බ්ලොග් එක ලියන එකා ය. හැබැයි නිරාජයා එක්ක මනෝ ගහන්න එකෙට්ටවත් බැරි ය. උ ඒ තරම් මනෝ ඩයල් එකක් ය.                                    

කාර් එක වල දානකන් මයිකල් හාදයා මොන බම්බුවක්

                  අපේ සෙක්ෂන් එක ගාව කුඩා පස් කණ්ඩියක් තිබුනේ ය. එකල 6-7 ශ්‍රේණි වල උදැසන රැස්වීම තිබුනේ එම ස්ථානයේ ය .(දැන් එතන පුස්තකාලෙකුයි, තඩි ටොයිලට් එකකුයි හදල).

           නිරාජයා දවසක් මාධ්‍ය නිවේදනයක් නිකුත් කරමින් පවසා සිටියේ ඒ පස් කන්ඩිය යට ඇමරිකාවේ FBI ආයතන විසින් අති රහසිගත ලෙස Knight Rider කාර් එක වල දමා ඇති බව ය . අනිත් මනෝ කාරයෝ සෙට් එකත් එය එක හෙලා අනුමත කලේ එය කෙසේ හෝ සොයාගැනීමේ අභිප්‍රාය මතය. ඇමෙරිකාව විසින් ලංකාව ආක්‍රමණය කිරීමේ පළමු පියවර ලෙස එම සුපිරි කාරය අපේ ඉස්කෝලේ වල දැමු බවට ඌ වැඩි දුරටත් පැවසුවේය ය. කාර් එක වල දානකන් මයිකල් හාදයා මොන බම්බුවක් කලාදැයි මට තවම සිතාගත නොහැක, අනික එවැනි තර්කයක් ගොඩ නොනගන්නට තරම් නිරාජයාගේ බේගල් අපේ හිතට කාවැදී තිබුණි. අපේ මනෝ කාරයොත් මේ ගල් කෙප්ප පිළිගත්තේ හාමුදුරු කෙනෙක්ගෙන් බන අහනවා වගේය (මාත් එතන හිටියා, හිටියේ නැහැ වගේ ලියනවා :D )..... 

මතු සම්බන්දයි..
 
 තව තියෙනවා පස්සේ ලියනවා.. එන්න එන්නම යුනිකෝඩ් එක මට කින්ඩි දානවා වැඩියි. ඉස්සර වගේ නෙවෙයි.

හිත් දිනපොත (1),,,,,,,,,(2012-05-10 )

2012-05-10 දින හා බැඳේ ,

"දුක ,සතුට, තරහව ,වේදනාව , මේ හැම දේම පුදුමාකාර ය. විටෙක දුක නම් අන්ධකාරය මුළු සිතම වෙලාගන්නා විට කොහේදෝ සිට පැමිණෙන තාවකාලික සතුටක් ආලෝකයක් වී සිත තුල වූ අන්ධකාරය දුරු කරයි. එම ආලෝකයට එතරම් ආයුෂ නැත. එය මා තාවකාලිකයයි අර්ථකථනය කලේ එබැවිනි.

ජිවිතයද රාත්‍රිය වැනිය, එහි ඇත්තේ අන්ධකාරය මුසු මුසල බවකි . ඉඳහිට හෝ පෝදා සඳ, තරු පෑයුවද එහි ඇත්තේ ද කටුක බවක් පමණි.පෝදා  සඳෙන් ලැබෙන්නේ කුඩා ආලෝකයකි . එය ජිවිතයට ලැබෙන ආදරය වැනිය, සඳ මතුපිට පුරාම ඇත්තේ ආවාටය. ආවාට වලින් වටවූ කුඩා ආලෝකයකින් ජිවිතයට කෙසේ ස්ථිර වූ ආලෝකයක් සොයන්නද නොතේරේ. පෝදා සඳ එලිය ගස් මතට වැටුන විට විවිධ බියකරු රූප මැවේ. එලෙසම අදරයේද ගැබ්ව ඇත්තේ දුක , කටුක බව මිස අන් කිසිවක් නොවේ. සිතට දැනෙන්නා වූ නානාවිධ හැඟීම් වචන වලට පෙරලීමට මට නොතේරේ. නිශ්චිතවම කිව හැක්කේ සිත තුල පවතින්නේ සතුටක්නම් නොවන වගය. "

ෆුල් සීරියස් ලිව්වේ. හිතට එන සේරම ලියන්න ගියොත් මට මේකෙම එල්ලිලා ඉන්න වෙන්නේ .

SUDDA

ජනාධිපති මාමාට ලියමි (3)................( තවත් එක ආශ්චර්යයක්)

හැබැහින් නොදුටු TV එකෙන් දුටු ජනාධිපති මාමේ,

අපේ අයියට බන්දුල මාමගේ ආශ්චර්ය නිසා වැලේ වැල් නැති උන හැටි මම මාමාට මීට කලින් ලිව්වෙමි. ඒ හද පත්ලෙන්ම නැගුනු සහෝදරාලයෙනි ......ආ ,,,අමතක උනා .... තව අපේ ආශ්චර්යමත් බන්දුල මාමාගේ ගරු මෑණියන් ගැන උපන් අනුකම්පාවෙනි, නැත්නම් බන්දුල මාමාගේ ආශ්චර්යමත් ක්‍රියා නිසා ඇයට ළඟදීම අඹ සරණ වනවා නියතය.

ඒවා පරණ කථා ය . 2013 නම් කෙස් එකක් නැතැයි විභාගය ඉවර කල සැනින් නිවසට පැමිණි අපේ එකා මාධ්‍ය ප්‍රකාශයක් නිකුත් කරමින් පැවසී ය. 2011 දී ද ඌ  මෙවන් ප්‍රකාශයක්  කල බව මට මතකය. මෙදා පාරත් බන්දුල මාමාගේ ආශ්චර්ය කලින් වතාවේ මෙන් වැඩ කලොත් අපේ අයියා ගෙදර ඉන්නවා බොරු ය . තාත්තා ඌට අම්බානෙකට කෙලිනවා නොඅනුමාන ය. ප්‍රතිපල එන්න ට කලින් දිනයේම ආච්චිලගේ ගෙදර යාමට මම තීරණය කලේ බලවත් රටවල් යුද්ද කරද්දී පුංචි රටවල් වලට අත්වන ඉරණම මටද අත් කර ගැනීමට ඇති බලවත් අකමැත්ත නිසා ය. ප්‍රතිපල දැනගත්තට පසුව මිස, ඊට කලින් නම් ගෙදර නො එන බවට මම තරයේ සිතාගත්තෙමි .

ඉතිං මාමේ , මාමාට කොහොමද?. මම කොහොමද ඇහුවට හැමදාම මාමා TV එකෙන් අපිට කතන්දර කියන්නේ ය , ඒවා අසන අපේ රස නහර පිනා යන්නේ ය, කන කළු වන්නේ ය , සියලු ලෙඩ රෝග ධුරින්භුත වන්නේය.
 මම තාම පොඩි එකා ය, ඉතිං තවම නිදාගන්නේ අම්මගේ උකුලේ ය. අපේ තාත්තා ද news බලන්නේ ලොවේ හොඳම රෙදි හෝදන මැෂින් දෙකෙන් එකක ය . නිකමටවත් ඔලුව tv දාන්නේ නැත, ඉතිං තාත්තගේ news බලන ටයිම් එකට මම අම්මගේ උකුළේය, මාමලාහේ සුරංගනා කථා ඇහෙනකොට බඩගින්නේ හිටියත් බඩ පිරෙන්නේ ය , මාර සනීපෙට නින්ද යන්නේ ය.  රුපියල් දෙදහස් පන්සියෙන් මාසයක් කන අපි මාමලාගේ කථා වලින් හිත හදා ගන්නෙමු.

තාත්තගේ news බලන ටයිම් එකට මම අම්මගේ උකුළේය

තව දෙයක් මාමේ, මාමා තවම කොල්ලා වගේය, 30 කට අඩු මිසක් වැඩි බවක්නම් පේන්නෙම නැතිය. එත් මාමා චුට්ටක් වයස බව මුළු ලොවම දන්නේ ය, මේ ලඟක් වෙනකන් මම නොදත්තේය. 

අපේ තාත්තත් මාමාගේ වයසේම ය, ඒත් තාත්තගේ කොණ්ඩය තැනින් තැන සුදු ය. මැද තට්ටය ය. අපේ උන් ඒ ඉස්ටයිල් එකට කියන්නේ "වට කෙස් මැද හිස්" කියාය, අපේ ගමේ ගොඩාක් මාමලාගේ ත් කොණ්ඩය black & white ය.

වට කෙස් මැද හිස්

මාමේ, පුදුමෙට අපේ තාත්තගේ වගේ මාමා ගේ කොන්ඩේ සුදු නැත , රැව්ලත් සුදු නැත. ඒක මාර ය.

 අපේ අයියා කියන්නේ මාමාගේ පුටුවේ වාඩි උනාම කොන්ඩේ සුදු වෙන්නේ නැතැයි කියාය. ඒක මාමා වැඩිය ගණන් ගන්නට ඕනේ නැත, බන්දුල මාමාගේ ආශ්චර්ය වැඩ කරපු දවසේ ඉඳන් ම අයියාට මඥඥං ය, ඌ කෙලින්නෙම ෂෝට් ය . මාමගේ තිරිහන් වීමේ ආශ්චර්ය මට මාර ප්‍රශ්නයක් ය. ඒ තියා අපේ අයියා කරයගේත් කොන්ඩේ තැනින් තැන පැහිලා ය. ඌ නාකි වෙන්නේ අකලට බව අයියගේ රට බඩු කෑල්ල අවධාරණය කරනවා මම දිනක් අසාගෙන ය .

 මේවා දිහා බලද්දී මාමාගේ කොණ්ඩය ආසියාවේ තවත් එක ආශ්චර්යයක් ය.

 මීට ,       

SUDDA

ඔයත් හිතුවේ මම හිතපු දේම ද?................( ගොඩක් බය හිතෙනවා )

ඕන ඔට්ටුවක් දානවා ,, ඔයා හිතුවේ මම හිතුව දේමයි .....

අනිත් එක තමයි මේකට ගොඩාක් බය හිතෙනවා , මගේ යාළුවෙක් මේක කරලා බලල බය වෙලා ටික දවසකට පස්සේ තමයි වචනයක් හරි කතා කෙරුවේ ,,,

මේකට පියවර තුනක් තියෙනවා

1ඉංග්‍රීසි D අකුරෙන් පටන් ගන්න රටක නමක් හිතාගන්න  
2දැන් ඒ රටේ දෙවැනි අකුරින් එන සතෙක් හිතාගන්න (ඉංග්‍රීසි අකුරු )
3දැන් ඒ සතාගේ පාට මොකද්ද කියල බලන්න
                                                                  ඔයාට ආපු උත්තරේ

[
[
[
[
[
[
[
]
]
]
]
]
]
]
]
]
]
]
]
]
]
]
]
]
]
]
]
]
]
]
]
]
]
]
]
]
]
]
]
]
]
]
]
]
]
]
]
]
]
]
]
]
]
]
]
]
]
:P
රට -: denmark
සතා -: අලියා (Elephant)
පාට -: කළු

මම හරි නේද ????

මම ගඟට පැනල මැරෙනවා ..........

අළුත් මෝටර් බයික් එකක් ගත්තු කොල්ලෙක් තරුණ ජවයත් හිතට අරගෙන හිටු කියල යනවලු. ගඟක් උඩ ලොකු පාලමක් ගාවදි මෙයා දැක්කලු ලස්සන කෙල්ලෙක් පාලමේ ඇන්ද උඩට නැගල පහල ගඟ දිහා බලාගෙන ඉන්නවා.

මෙයා හින්දි චිත්‍රපටියක නළුව වගේ වැඩ දාල බයික් එක නතර කලාලු. ‍කව් බෝයි අස්සයගෙන් බහිනව වගේ හැඩ දාල බැස්සලු. දකුණු අතින් කොණ්ඩෙ පස්සට දාන ගමන් අර කෙල්ල දිහාට ගියාලු.

ඔයා මොනවද මෙතන මේ කරන්නෙ?"

කෙල්ලත් බොඳ උන ඇස් දෙකින් කොල්ල දිහා බැලුවලු.

"මම ගඟට පැනල මැරෙනව අයියා..."

කොල්ලට බබා වෙන්න ඕන උනේ නෑලු. හැබැයි චාන්ස් එක මිස් කරගන්නත් බෑ වගේලු.

"මට තේරෙණව නංගි. මැරෙන එක ඔයාගෙ අයිතියනේ. ඒ උනාට මැරෙන්න කලින් මට එකම එක කිස් එකක් දෙන්න..."

කෙල්ලත් පැනල ඇවිත් කොල්ලව බදාගෙන විනාඩි තුන හතරක්ම කිස් කලාලු. කොල්ලට නිකං කරකවල අතෑරිය වගේලු.

"ෂා... නංගී... ඒක තමා මගෙ ජීවිතේ හොඳම කිස් එක. ඔයා මාර ටැලන්ට් කෙල්ලක්නෙ නංගි. ඔයාට හොඳ අනාගතයක් තියෙනවනේ. ඇයි මේ දිවි නහගන්න යන්නේ..."

"මං දන්නව අයියා... ඒ උනාට අපේ අම්මල කැමති නෑනෙ මං කෙල්ලෙක් වගේ ඇඳුම් අඳින එකට."

කොල්ලා පැන්නලු පාලමෙන් ගඟට!

 

 

 

                                                                            මේක මම උස්සපු එකක් ,, එළකිරියේ තිබුනේ 

                                                                            

ඔබගේ අඩු වූ ඉන්ටෙර්නෙට් Speed එක සුළු මුදලකින් වැඩි කරගමු

                        ඩොන්ගල් පාවිච්චි කරලා ඉන්ටනෙට් යන අය මුහුණදෙන ප්‍රධාන ගැටලුවක් තමයි සිග්නල් නැති වෙන එක , සමහර වෙලාවට බේතකටවත් සිග්නල් කට්ටක් හොයාගන්න අමාරුයි , වැස්ස වෙලාවට වගේ ඩව්න්ලෝඩ්  කරනවා කියන්නේ වහ කනවා වගේ ,

                      ඉතිං මේකට විසඳුම් විදිහට එක එක්කෙනා එක එක දේවල් කරනවා, සමහරු Antena එකක් use කරනවා , එතකොටනම් සිග්නල් තියෙනවා පැලෙන්න , එත් antena port නැති ඩොන්ගල් තියෙන යට හුලං ... සමහරු දිග USB Cable එකක් අරන් එලියට දාල එකට ඩොන්ගලයා සෙට් කරනවා ,, වැස්ස වෙලාවට නම් එක එච්චර සුභ දායක නැහැ ( තෙමිච්ච කුකුළා = ඔයාගේ ඩොන්ගල් එක ) ....
                          සමහරු අඩුමගානේ serfing වත් speed වෙන්න කියල DNS server වලට සම්බන්ද කරනවා . තව සමහරු ගෙදරදීම හදාගත් කැන්ටනා (CANTENA) use කරනවා cantena එකක් හදන විදිහ තමා මේ තියෙන්නේ 

මේ වගේ නානාප්‍රකාර වැඩ කරලා හරි හදන්නේ නෙට් එක speed කරගන්නනෙ ,,

                                   ආ තව සමහරු Download වෙලා ඉවර වෙනකන් වැඳගෙන ඉන්නවා ,.....තව වැඩ ගොඩක් කරනවා මට දැන් සේරම මතක නැහැ ..........
                                     
                                     ඉතිං දැන් මම කියල දෙන්න යන්නේ 100% ක් ම සාර්ථක ක්‍රමයක් . හැබැයි මේකට පොඩි ගානක් වියදම් වෙනවා . කරන්න ඕනේ දේවල් පිළිවෙලින් පහත දැක්වෙනවා ...

1. අවශ්‍ය දෑ -: 1.පරිගණකයක්

                            2.ඩොන්ගලයක් (speed එකේ ප්‍රශ්නයක් නැහැ ,මොකක් උනත් වැඩේට සෙට් වෙනවා )
                            

මෙන්න මෙච්චරයි ඕනේ ,,,අ.... අමතක උනා තව රු 115 ඕනේ ,, 

මුලින්ම පරිගණකය ඔන් කරන්න , ,, ඊ ට පස්සේ ඩොන්ගලයා connect කරන්න ,,,,,,ඉන් පසු internet වලට conect කරන්න ,,,,,,,, signal තත්වය පරීක්ශා කරන්න ,,,, speed අඩුනම් ,,,,,

$
$
$
$
$
$
$
$
$
$
$
$
$
$
$
$
$
$
$
$
$
$
$
$
$
$
$
$
$
$
$
$

$
$
$
$
$
$
$

$

$
$
$
$
$
$
$
$
$
$
$
$
$
$
$
$
$
$
$
$
$
$
$
$
$
$
$
$
$
$

අතේ තියෙන රු 115 ගෙන ලඟම ඇති කඩයට යන්න ,,

කඩේ මුදලාලිගෙන් Munchee kome පැකට්ටුවක් මිලදී ගන්න ,,(Munchee ම කියා ඉල්ලන්න අමතක කරන්න එපා )

$
$
$
$
$
$
$
$
$
$
$ඉන්පසු මිලදීගත් Munchee Kome පැකට්ටුව ඩොන්ගලය අසලින් තබන්න 

සිග්නල් වැඩි වන අයුරු මැවි මැවී පෙනෙනවා ඇත.

"Munchee kome life එක connect කලා"

මෙය මුදල්ගෙවා ප්‍රචාරය කරන ලද්දක් බව හීනෙකින්වත් නොසිතන්න .

දත කට මැදගෙන , දහසක් බලාපොරොත්තු සිත දරාගෙන , තම internet conection එක speed කරගන්න බලාපොරොත්තුවෙන් මෙම පොස්ටුව කියවූ හුදී ජනයාට ඇට්ටරයාගේ බලවත් කණගාටුව. 

Megapixel නැති වලට terapixel පණ්ඩිතයා ලු .

එකක් යනකොට එකක් ,
 එකත් ටික කාලයයි ඊටත් වඩාහොඳ එකක් තව ටිකක් කල් යනකොට ,
                                     
                                     තාක්ෂනය දියුණු වෙන්නේ මාර ඉක්මනට , අපි ඉස්සර පොටෝ ගැහුවේ ෆිල්ම් රෝල් එකක් දාල , ටැක්ටරයක් ස්ටාට් කරන්න වගේ කෑල්ලක් කරකෝල ෆෝකස් කරගෙන, තව කෑල්ලක් අඹරල රිවයින් කරගෙන මාරම ගේමක් දීල , ඒ කරලත් ෆොටෝ එකක් හොඳම තත්වයේ තියෙන්නේ කලාතුරකින් , ඊට පස්සේ කල් යනකොට ඔටෝ ෆෝකස් , ඔටෝ රිවයින් , ඔප්ටිකල් සුම් , මේ වගේ එක එක කැමරා වර්ග ආවා , ඊටත් පස්සේ ෆෝන් එකේ පොඩි vga කැමරාවක් එල්ලලා ආවා. මේ වගේ කැමරාවත් කාලෙට හරියන විදිහට තාක්ශනේ දියුණු වෙන ව්දිහට දියුණු උනා ,,, දැන් අපි පාවිච්චි කරන්නේ megapixel කැමරා ,, (ඊට වඩා දැනගෙන හිටියෙනම් නැහැ )

                                         අද ටිකක් හොල්මන් වෙන artical එකක්  බ්ලොග් එකක තියෙනවා දැක්ක . අපි මෙච්චර කල් ෆෝන් එකෙන් හරි කැමරාවකින් හරි ෆොටෝ එකක් ගත්තේ මෙගා පික්සල් වලින් නේ , එත් මේක ටිකක් අමුතුයි ,, මේ තියෙන්නේ ටෙරා පික්සල් ෆොටෝ එකක්ලු . ටෙරා පික්සල් වලින් ගත්තු පලවෙනි පොටෝ එක මේකලු ,, 

මේ පෝස්ට් එකේ  කෙලින්ම පේන්න දාන්න බැහැ එක නිසා  මෙතන click කරලා ගිහින් බලන්න ,, 

කොමෙන්ටුවකුත් දාන්න ,, නැත්තන් හරි නැහැනේ ,

බ්ලොග් කරුවෝද මනුෂ්‍යයෝය ...(BLOGGERS ARE HUMAN BEINGS)

අදාළ අයට වදිනවා ඇත , ඇනෙනවා ඇත , කරන්නට ඇත්තේ පහන් සිතින් කියවීම පමණි.

මම ළඟදී දවසක බන්ධනාගාරය ලගින් ගියේ යාලුවෙක්ගෙ ගෙදර යන අතරමග ය , බන්ධනාගාරයේ තාප්පේ ගහල තිබුනේ " සිරකරුවොද මනුෂ්‍යයෝ ය " කියල ය . වැඩේ ඇත්තය . වැරදි කිරීම මනුෂ්‍ය ගතියක් බව මම අසා ඇත. තාප්පයේ තියෙන්නේද එම අදහසමද යන්න මා තුල අදහසක් නැත. සමහර විට වැරදිකරුවන් සමාජගත කිරීමේදී එම වැකිය නිර්ණායකයක් වනවා ඇත .

මේ පොස්ට් එකේ කථා කරන්නේ වැරදි කරුවන් ගැන නොවේ.අද කථා කරන්නේ තාප්පයේ තිබුණ වචන සැට් එක ලාංකීය සිංහල බ්ලොග් කරුවා ටද අදාල වන එක ගැනය.

බ්ලොගයේ ඉන්න ගොඩක් සිංහල බ්ලොග් කාරයෝ සමාජ විෂමතා , කාලීන ,දේශපාලනික වැනි සමාජීය විෂයන් කෙරෙහි පොස්ට් ලිවීමට වැඩි ප්‍රවනතාවයක් දක්වයි. ආතල් දෙන්න JOKE පොස්ට් ලියන එකා උනත් තමන්ට හැකි අයුරින් ඒ joke අතර සමාජීය කරුණු වලටද ඉඩක් දෙන්නේ එක පොස්ටුවක් හරි සමාජයට වැදගත් වන නිසාය , සමහර විට ඌ දක්ෂ ලේඛකයෙකු නොවනවා විය හැක (මම වගේ ) . එත් අනිත් උන් නොකරන දෙයකින් ඌ සමාජය ඇසුරු කිරීමට උත්සහ කරයි.

එය බ්ලොග් කරුවාගේ මනුෂ්‍යත්වයයි . සිනහවට, කඳුලට, වින්දනයට පොස්ට් ලියනවා මෙන්ම සමාජ විෂමතාවයට , මර්ධනයට , විෂම දේශපාලනයට ද එරෙහිව තම යතුරු පුවරුව අතට ගැනීම තම සයිට් එකට trafic වැඩි කරගන්නවත් , like වැඩි කරගන්නවත් , ලොකු පුටු වල ඉන්න උන්ගේ ආතල් කුඩු කිරීමටවත් නොව , මනුෂ්‍යත්වය වෙනුවෙන් ලිවීමට ය.

 ඒ

"බ්ලොග් කරුවාගේ සයිබරයේ මනුෂ්‍යත්වයයි."

ඒ ලියන ඒවා කියවන විට කසනවානම් , ඇනෙනවානම් ශේප් එකේ පැත්තකට ගොස් කසාගන්නා එක වෙනම එකකි. කහනෝ...කහනෝ , මුන්  මට අරිනෝ , මුන් JVP කාරයෝ, මුන් UNP කාරයෝ කියා සමස්ථ සිංහල බ්ලොග් කරුවන්ට දෝෂාරෝපණය කරමින් තැන තැන කියවීම තවත් එකකි.

සිංහල බ්ලොග් කරුවට ඇති ප්‍රධානතම චෝදනාව වන්නේ JVP හෝ UNP වාදී හඬ නගන බවය , රිදෙන්න ඕන අයට රිදෙනවානම් , දැනෙන්න ඕනේ අයට දැනෙනවානම් , විඳින්න ඕනේ අය විඳිනවනම් මගේ මතය සිංහල බ්ලොග් කරුවා අති සාර්ථක බව ය.

එසේ බැලුවහොත් රිදිච්ච උන් කෑගහන පාරක් පාරක් ගැනේ සමාජගත වන්නේ සිංහල බ්ලොග් කරුවාගේ , නැතිනම් කෑගහන එකාට රිදෙන්න ලිව්ව එකාගේ සාර්ථකත්වයයි.

අන්තිමට මතක් කර දිය යුත්තේ සැම දෙයක් දෙසම මැදිහත් සිතින් බලන ලෙසය, අන්තවාදී දේශපාලනික මතවාදයන් බ්ලොග් කරුවා තුල නැත්තේය (බොහෝ ) .සැම කෙනෙක්ම එකම කෝණයෙන් සමාජය දෙස බලන්නේ නැත. සමහර විට උක්ත බ්ලොග් කරුවා හෝ එම පිටපත සකස් කරන තැනැත්තා දකින කෝණය අනුව එම බ්ලොගය ලියවෙන්නට පුළුවන්. තමා නිවැරදිනම් එම බ්ලොග් කරුවත් සමග බුද්ධිමත් සංවාදයක් ගොඩනගාගෙන ගැටලුව විසදගන්නවා මිස , එම බ්ලොග්කරුවගෙන් ගේම ඉල්ලීමෙන් කිසිදි ජයග්‍රහණයක් අත් වන්නේ නැත. කරුණාකර සිංහල බ්ලොග් කරුවාට දේශපාලනික හංවඩු ගැසීමෙන් වලකින්න.

ඒ

"බ්ලොග් කරුවෝද මනුෂ්‍යයෝ "

වන නිසා ය.

                                                                      පිටපත ,
                                                                                    (SUDDA )විසිනි