ඉස්කෝලෙයි මමයි 2 (නිමලා, අපි සහ කුණුහරුප)

නිරාජයා ඇතුළු අපි මනෝ ගහපු හැටි මම පෙර ලිපියෙන් කිව්වෙමි. අපේ පන්තියේ මේ වගේ විශේෂ දක්ෂතා තියෙන කීපදෙනෙක්ම හිටියා මට මතකය.. මේ අතර "නිමලා " අතිසුවිශේෂී චරිතයක්ය... නිමලා කිව්වට මු කෙල්ලෙක් නොවේ කොල්ලෙකි, උගේ දිග නම කෙටි කර නිමලා කිව්වෙමු.

මා ප්‍රයිමරියේ සිට ලොකු ඉස්කෝලෙට යනකොට කුනුහරුපයකට කියා අසා තිබුනේ උඹ, තෝ, තොපි වැනි වචනය, ප්‍රයිමරියේ ඉද්දි උඹ කියා හෝ කිව්වොත් ටිචර්ගෙන් කන පැලෙන්න ෂොට් එක හම්බ වෙන්නේ ය.. කන පලාගැනීමට තිබු බිය නිසා කව්රුත් ඔයා, මෙයා, යන්න, එන්න, කියා අමතන්නට පුරුදු වී සිටියෝය....

කන පලාගැනීමට තිබු බිය නිසා

කාලය වෙනස් විය... අලුත් ඉස්කෝලෙට ගිය මට අපේ උන් ගේමක් නැතුව උඹ ,, තෝ කියා කථා කරනවා දුටු මම සිතුවේ මේක මහා ජරා ඉස්කෝලයක් කියාය.... හොඳම වැඩේ උනේ සිංහල පාඩමකදීය , "තොපි කොහේ යන්නෙහුද? " ටීචර් කියද්දී මම හිතුවේ ප්‍රින්සිපල් මැඩම් දැන් ඇවිත් ටීචර්ගේ කන පලනු ඇත කියාය.... එහෙම උනේ නැත ...ඉතිං මමත් සිංහල සමග තෝ, තොපි, නුඹ, නුඹලා යන මහා  භයානක කුණුහරුප රාශියක් ඉගෙන ගත්තේය...

කොහොමින් කොහොමහරි මම යථාර්තය තේරුම් ගත්තේ ය... ටික කලක් යද්දී ඒවා කුණුහරුප නොවන වග දැන ගත්තේය...

උගෙ වචන 10කට වචන 6ක් කුනුහරුප ය,,,,

මේ හැමදේම මට අලුත් උවත් නිමලා ඒ කාලේ ඉඳන්ම භාෂා ප්‍රවීනයෙක් විය... මම ආත්මෙට අසා නැති වචන ඌ දැනගෙන හිටියේය... ඒ රියල් කුනුහරුප ය.... ඌ කුණුහරුප කාපර්ය,,,, උගෙ වචන 10කට වචන 6ක් කුනුහරුප ය,,,, දවසක් ඌ කියූ "ප*යා" කියන වචනය ගෙදර ගොස් තාත්තගෙන් ඇසීමට සිතුනත් ඇසුවේ නැත්තේ කුමක් හෝ භයානක ඉරණමකට ගොදුරු වීමට සිදු වෙවියයි තිබු බිය නිසා ය...ඒ තරම් ඌව අපිට ෂුවර්ය... තාත්තගෙන් ඇහුවනම් තාත්තා මගෙ කන පලනවා නොඅනුමානය.. එවෙලේම ඉස්කොලෙන්ද අස්කරගන්නවා ෂුවර් ය....

නිමලා කුණුහරුප පලන්නේ දර පලනවා මෙන් ය.. නිමලා කුණුහරුප පලනවිට "ගයියා" කුණුහරුප ගණන් කරන්නේ ය... දිනක් පාසැල නිමා වෙද්දී නිමලා කුණුහරුප 200 ටත් වඩා කියූ බවට ගයියා නිවේදනය කළේය... ගයියා පට්ට රයිඩර්ය ,, අපිට ඌත් එක්ක දුවනවා තියා හිතන්නවත් බැරිය.. ඒ වගේ කුණුහරුප ගණන් කරද්දීත් අපිට ඌත් එක්ක හැරෙන්නවත් බැරිය...

නිමලා ජිවත් උනේ උගේම ලෝකෙකය, , උගෙ පට්ටම තියරියකි...ඌ හිතාගෙන හිටියෙ කෙල්ලෙක්ගෙ අතින් ඇල්ලුවත්, කිස් එකක් දුන්නත්, විශේෂයෙන්ම lip කිස් එකක් දුන්නත් pregnet වන බවය... උගේ තියරියට අනුව අපි කාන්තා ඇසුරෙන් ඈත් උනේ 6 වසරේ දීම දරු සුරතල් බැලීමට තිබු බලවත්  අකමැත්ත නිසාය...

අපි කාන්තා ඇසුරෙන් ඈත් උනේ 6 වසරේ දීම දරු සුරතල් බැලීමට තිබු බලවත්  අකමැත්ත නිසාය...

හිස් පීරියඩ් වලදී "නිමලා" අපිට රස කථා කියා දෙන්නේය.. මුළු පන්තියේම කොල්ලො සෙට් එක නිමලාගේ රස කථා අසා අමන්දානන්දයට පත් වන්නෝය,, ඒ කථා ඇසීමෙන් රස නහර පිනා යන්නේය, කන කළු වන්නේය, හිත සැහැල්ලු වන්නේය, ඒ ඒවා 100%ම අති පිරිසිදු කුණුහරුප වලින්ම සමන්විත නිසාය..6-7 පන්ති දෙකේම මු හිටියේ මගේ පංතියේය...ඒ අවරුදු දෙකේම මට උගෙ කථා ඇහිමේ වාසනාව හිමි වුයේ ය. කථා හොඳ ය. ඒත් කැත ය , ඌ ඒක දන්නේ නැත..(අද දැනගන්නවා ඇත)

හිස් පීරියඩ් වලදී "නිමලා" අපිට රස කථා කියා දෙන්නේය..

 ******************************************



ප.ලි-  අදටත් ඌ මගේ හොඳ මිත්‍රයෙක් ය , කොහොමත් ඌ මට වඩා අඟල් 5,6ක් උසය,, එක අතක් මං විතරය, මේ ලිපිය දැකල ගුටි කෑමට සිදු උනහොත් එහෙම්පිටිමම ඛේදවාචකයක් ය. උට මේ හැම දේම මතකද මම දන්නේ නැත ,, එහෙත් මේක කියවුවහොත් උට මේ හැමදේම මතක් වෙනවා නිසැකය...

කොම්පියුටරයෙන් මදුරුවන්ට තිත තියමු....

ආපහු ජිවිතේ මුල ඉඳලම පටන් ගන්න තීරණය කලා...(මුල ඉඳල කිව්වේ මොන්ටිසෝරියේ ඉඳල ඉස්කෝලෙ යන එක නෙවෙයි).. කොහොමත් ලිඳට වැටුණු මිනිහ ගොඩ එන්න ඕනේ ලිං කටින්මලුනේ... ඒක නිසා දැහැමෙන් සෙමෙන් වැඩ කරන එක ඇඟට ගුණයි.. තියෙන තදියමට වැඩ කරන්න ගිහිං තමයි මේ හැම දේම ... ඉතින් සැරෙන් සැරේ තමයි බ්ලොග් එක පැත්තේ එන්නෙ දැන්... සිංහලෙන් ටයිප් කරනවා කියන්නේ වහ කනව වගේ ... යන්තං යුනිකෝඩ් එකේ පිහිටෙන් පට පට ගාල ටයිප් කරගන්න පුළුවන් දැන් ...

ඔයා කොම්පිතරේ ඉස්සරහ වාඩි වෙලා ගේම් එකක් ගහද්දි මදුරුවෝ කෑවොත් මොනවද හිතෙන්නේ... මදුරුවගෙ අම්ම විතරක් නෙවෙයි පරම්පරා දහයක් විතර මතක් වෙනවා නේද....

මම අද වෙබ් එකේ එහෙ මෙහෙ යද්දී මරු බඩුවක් හම්බුනා...(වැරදියට හිතන්න එපා ඒ බඩු නෙවෙයි :)  )..... මාත් හොය හොයා හිටපු දෙයක් ... මදුරුවෝ එලවන සොෆ්ට්වෙයා එකක්... 

මමත් ඩවුන්ලෝඩ් කරගත්ත ඒත් තවම ටෙස්ට් කලේ නැහැ හරි ගියොත් ගොඩ .... මුන් කියන හැටියටනම් වැඩේ හරියනවලු... අපිට ඇහෙන්නේ නැති ultra sound එකක් ස්පිකර් හරහා දීල මදුරුවෝ පන්නනවලු වැඩ කරනවද කියල බලාගන්නනම් බැහැ (අපිට ඇහෙන්නේ නැහැලුනේ :P ) කොහොමහරි ඔන් කරද්දී පොඩි සද්දයක් එනවා එච්චරයි... ම් එහෙනම් බාගෙනම බලන්නකෝ

මේ තියෙන්නේ උන්ගෙ සයිට් එක...(මුන්ට මාර අව්ලක් මදුරුවෝ එක්ක තියෙන්නෙ )

මෙතන ඔබල බාගත කරගන්න ("බාගත" කිව්වට බය වෙන්න එපා ඉස්කෝලෙ කාලේ IT පොතක තිබුනේ...කුණුහරුප වගේ)

 
එහෙනම් කට්ටියට මලින් බර, ඵලින් බර සුබ දවසක් වේවා.

හිරවෙන්නෙ නැතුව ගේම් ගහමුද???? gaming without stuck

සුබ දවසක් හැමෝටම.. ඇට්ටරයගේ ගෑණි ඇට්ටරයව දාල ගිහින් මාස දෙකක්ම ගෙවිලා හිහින්.. දාල ගියේ ඇයි කියලනම් අහන්න එපා ඒක ඇට්ටරයවත් තාම දන්නේ නැහැ (ගෑණි හේතුවක් කිව්වේ නැහැනේ....) . ෂුවර් එකටම කොහෙන්හරි වෙන හිපාටුවෙක් සෙට් වෙලා ඇති .... මොනවා කොරන්නද ගෑනු නෙ ... මම මේ ලඟදි  faceබුකියෙ පොස්ට් එකක දැක්ක ....

කථාව ඇත්ත වගේ....

කොහොමින් කොහොමහරි ඇට්ටරය මේ ටිකේ හිටියේ ගෑණි මැරිල වගේ... මෙලෝ රහක් නැහැ ... බ්ලොග් එක පැත්ත පළාතේ ආවේ නැහැ. ඒ අස්සේ ගෙවල් ළඟ එකෙක් DDR 1 machine එකක් ගෙනල්ල දැම්ම හදල දියන් කියල... අලි මදිවට කොටි.... එක ලෙඩක් ඉවර වෙනකොට තව ලෙඩක්... මෙව්වා යවන්න ඕනේ කටුගෙට .....එපා වෙලා ඉන්නේ......

 තව ඇට්ටරයගේ මල්ලි බයික් එකෙන් කාර් එකක ඩිකිය හයියද කියල බලන්න ගිහින්..... කාර් එක අයිති බුවාට ඩිකිය ඇද ඇරලා දෙන්නත් උනා.. කාර් එක නිකන් පපඩම වගේ... ගරාජ් එකේ එකාව අඳුනන නිසා හොඳයි.... නැත්තන් කොරල හමාරයි..... . එකක් ඉවර වෙනකොට තව එකක් ,, තව මොනවා වෙයිද දන්නේ නැහැ.... අපලයක්ද කොහෙද..... වෙලාවවත් බලවගන්න ඕන.............වෙලාව අන්තිමේටම නරක වෙලා මයෙ හිතේ.... .... මෙහෙම ගොඩක් දේවල් උනා මේ කාලසීමාව අතර ....

ඇට්ටරය ලඟදි අලුත් වැඩක් පටන්ගත්තා ... ඇට්ටරය එක්ක "ඇට්ටර central college" එකේ හිටපු උන්ට මඩ ගහන එක තමා අලුත් වැඩේ ... මුණු පොත හරහා ඇට්ටරයගෙ original account එකෙන් තමයි මේක කරන්නෙ.. ... මරු වැඩේ 1st ෂයි A/L ෆේල් උණ මගෙ උගත් මිත්‍රයන්ගෙන් හොඳ උණුසුම් ප්‍රතිචාර හම්බවෙනව මේ වැඩේට ... හැබැයි ඉතින් සමහරුනම් මේක ගොඩාක් පෞද්ගලිකව අරගෙන .... ඉතින් මම තීරණය කළා මේ මඩ ක්‍රියාන්විතය විහිළු දන්න මගෙ උගත් මිත්‍රයින්ට විතරක් දියත් කරන්න....


බලමු .....................................

              

ඔන්න එහෙනම් කාලෙකට පස්සේ ඇවිත් දෙන්න යන්නෙ හැමෝම........... බලාගෙන............... බලාගෙන ..............බලාගෙන............... හිටපු දෙයක්.. ගොඩාක් onboard vga තියෙන කොම්පිතර් තියෙන අයට ගැටලුවක් තමයි මලාට හරියට ගේම් එකක් ගහන්න බැහැ .... කොහොමහරි දනි පනි ගාගෙන ගැහුවත් ඕනෙම තැන වලදී හිර වෙනව ... ආපහු හරියද්දි වෙන්න ඕනේ හරිය වෙලා ඉවරයි... කාර් රේස් එකක් එහෙම ගහනකොට හරියටම වංගුවක් ගද්දි හිර වෙනව ... ආපහු හරියද්දි ඉතින් කියන්න ඕනේ නැහැනෙ :P  . මටත් අනේ වාසනාවන් කියල ඒ අත්දැකීම විඳින්න දැන් අවස්ථාව උදාවෙලා තියෙනව......

මේකට විසඳුමක් තියෙද කියල හොයල බලද්දී තමයි මට මේක හම්බුනේ...... :) මම මේක හොයාගන්න ගොඩාක් මහන්සි උණා ... සමහර අය මේක හොයාගන්න ගොඩක් උදව් කළා මට... ඉතිං අපි වැඩේට බහිමු...
මේ ඔන්බෝර්ඩ් VGA වල තියෙන අවුල තමා.. ගේම් ගහන්න පුළුවන් උනත් හිර වෙන්නේ නැතුව ගහන්න බැරි එක... ගොඩාක් හොඳ onboard vga ත් තියෙනව.. ඒ අයට ඉතිං මේ ලිපිය වැදගත් වෙන්නේ නැති වෙයි... මේකට විසඳුම..















































































කීයක්හරි දීලා අලුත් VGA එකක් ගහගන්න.... :P වෙන්නම් විදිහක් නැහැ ..... ....

(onboard vga එකෙන් ගේම් ගහන්න බලාගෙන හිටපු මගේ සහෘදයන්ට මගේ බලවත් කණගාටුව.... )